Maili Chadar Odh Ke Kaise

Maili chaadar odhke kaise Dwaar tumhaare aaoon 
Hey paavan parameshwara mere Man hi man sharmaaoon 

Tune mujhko jag me bhejaa Nirmal dekar kaayaa 
Is sansaar me aakar maine Isko daag lagaaya 
Janam janam ki maili chaadar Kaise daag chudaaoon 

Nirmal vaani paakar tujhse Naam na teraa gaayaa 
Nain moondhkar he parameshwar Kabhi naa tujhko dhyaayaa 
Man veena ki taaren tooti Ab kyaa geeth sunaaoon 

In pairon se chal kar tere Mandir kabhi na aayaa 
Jahaan jahaan ho poojaa teri Kabhi naa sees jhukaayaa 
Hey harihar main haar ke aayaa Ab kyaa haar chadhaaoon