(1)
kuńkumākta-kāñcanābja-garva-hāri-gaurabhā
pītanāñcitābja-gandha-kīrti-nindi-saurabhā
ballaveśa-sūnu-sarva-vāñcitārtha-sādhikā
mahyam ātma-pāda-padma-dāsya-dāstu rādhikā
(2)
kauravinda-kānti-nindi-citra-paṭṭa-śāṭikā
kṛṣṇa-matta-bhṛńga-keli-phulla-puṣpa-vāṭikā
kṛṣṇa-nitya-sańgamārtha-padma-bandhu-rādhikā
mahyam ātma-pāda-padma-dāsya-dāstu rādhikā
(3)
saukumārya-sṛṣṭa-pallavāli-kīrti-nigrahā
candra-candanotpalendu-sevya-śīta-vigrahā
svābhimarśa-ballavīśa-kāma-tāpa-bādhikā
mahyam ātma-pāda-padma-dāsya-dāstu rādhikā
(4)
viśva-vandya-yauvatābhivanditāpi yā ramā
rūpa-navya-yauvanādi-saḿpadā na yat-samā
śīla-hārda-līlayā ca sā yato ‘sti nādhikā
mahyam ātma-pāda-padma-dāsya-dāstu rādhikā
(5)
rāsa-lāsya-gīta-narma-sat-kalāli-paṇḍitā
prema-ramya-rūpa-veśa-sad-guṇāli-maṇḍitā
viśva-navya-gopa-yoṣid-ālito ‘pi yādhikā
mahyam ātma-pāda-padma-dāsya-dāstu rādhikā
(6)
nitya-navya-rūpa-keli-kṛṣṇa-bhāva-sampadā
kṛṣṇa-rāga-bandha-gopa-yauvateṣu kampadā
kṛṣṇa-rūpa-veśa-keli-lagna-sat-samādhikā
mahyam ātma-pāda-padma-dāsya-dāstu rādhikā
(7)
sveda-kampa-kaṇṭakāśru-gadgadādi-sañcitā
marṣa-harṣa-vāmatādi-bhāva-bhuṣaṇāñcitā
kṛṣṇa-netra-toṣi-ratna-maṇḍanāli-dādhikā
mahyam ātma-pāda-padma-dāsya-dāstu rādhikā
(8)
yā kṣaṇārdha-kṛṣṇa-viprayoga-santatoditā-
neka-dainya-cāpalādi-bhāva-vṛnda-moditā
yatna-labdha-kṛṣṇa-sańga-nirgatākhilādhikā
mahyam ātma-pāda-padma-dāsya-dāstu rādhikā
(9)
aṣṭakena yas tv anena nauti kṛṣṇa-vallabhāḿ
darśane ‘pi śailajādi-yoṣidāli-durlabhām
kṛṣṇa-sańga-nanditātma-dāsya-sīdhu-bhājanaḿ
taḿ karoti nanditāli-sañcayāśu sā janam