(1)
adharaḿ madhuraḿ vadanaḿ madhuraḿ
nayanaḿ madhuraḿ hasitaḿ madhuraḿ
hṛdayaḿ madhuraḿ gamanaḿ madhuraḿ
madhurādhi-pater akhilaḿ madhuraḿ
(2)
vacanaḿ madhuraḿ caritaḿ madhuraḿ
vasanaḿ madhuraḿ valitaḿ madhuraḿ
calitaḿ madhuraḿ bhramitaḿ madhuraḿ
madhurādhi-pater akhilaḿ madhuraḿ
(3)
veṇur madhuro reṇur madhuraḥ
pāṇir madhuraḥ pādau madhurau
nṛtyaḿ madhuraḿ sakhyaḿ madhuraḿ
madhurādhi-pater akhilaḿ madhuraḿ
(4)
gītaḿ madhuraḿ pītaḿ madhuraḿ
bhuktaḿ madhuraḿ suptam madhuraḿ
rūpaḿ madhuraḿ tilakaḿ madhuraḿ
madhurādhi-pater akhilaḿ madhuraḿ
(5)
karaṇaḿ madhuraḿ taraṇaḿ madhuraḿ
haraṇaḿ madhuraḿ ramaṇaḿ madhuraḿ
vamitaḿ madhuraḿ śamitaḿ madhuraḿ
madhurādhi-pater akhilaḿ madhuraḿ
(6)
guñjā madhurā mālā madhurā
yamunā madhurā vīcī madhurā
salilaḿ madhuraḿ kamalaḿ madhuraḿ
madhurādhi-pater akhilaḿ madhuraḿ
(7)
gopī madhurā līlā madhurā
yuktaḿ madhuraḿ bhuktaḿ madhuraḿ
hṛṣṭaḿ madhuraḿ śiṣṭaḿ madhuraḿ
madhurādhi-pater akhilaḿ madhuraḿ
(8)
gopā madhurā gāvo madhurā
yaṣṭir madhurā sṛṣṭir madhurā
dalitaḿ madhuraḿ phalitaḿ madhuraḿ
madhurādhi-pater akhilaḿ madhuraḿ